Diaspora/Diaspora

Ur wech m'emaoc'h o rannañ gant unan bennak war ur pod all, kement post rannet ganeoc'h hag un eilenn eus ho aelad a zo kadavet (er c'hrubuilh) war o pod, hag haezadus eo evit merour ar pod. Pa vez dilamet ur post pe roadennoù un aelad eo dilamet eus ho pod hag kaset e vez un azgoulenn dilamadur d'an holl podoù o deus endalc'het anezho. Ho skeudennoù n'int morse kadavet war podoù all; n'eus nemet ereoù davet anezho.

Petra eo ur strollad ?

Ar strolladoù a zo an doare ma vez strollet ho tarempredoù war diaspora*. Ur strollad a zo unan eus an dremmoù a vez diskouezet ganeoc'h d'ar bed. Gallout a ra bezañ an den oc'h el labour, pe gant ho familh, pe forzh piv vefec'h gant ur strollad mignoned.

Gant piv vez gwelet ar pezh a embannan d'ur strollad ?

Ma vez savet ur post bevennet ganeoc'h, n'hall bezañ gwelet gant an dud bet lakaet er strollad(où) a-raok bezañ bet embannet ar post nemetken. Ho tarempredoù ha n'int ket er strollad na welo ket ar post. Postoù bevennet ne vo morse gwelet gant tud ha n'int ket en ho strolladoù.

Ha tu a zo din bevenniñ ar postoù da strolladoù resis nemetken em gwazh ?

Ya. Klikit war 'Ma strolladoù" er varenn-gostez ha klikit war ur strollad evit diuzañ pe diziuzañ anezhañ. Ne vo gwelet ar post gwant an dud ezel eus ar strollad(où)-mañ nemetken.

Ha gouzout a ra ma darempredoù e peseurt strollad 'm eus lakaet anezho ?

Ne reont ket. N'hallont ket gwelet anv ar strollad lec'h ma 'z int bet lakaet e mod ebet.

Ma vez dilamet unan bennak eus vur strollad, pe holl va strolladoù, kemennet int eus kement-se ?

Ket.

Hag adenvel ur strollad a c'hallan ?

Klikit war "Ma strolladoù" er varenn-gostez adalek ur gwel gwazh ha klikit war arlun ar c'hreion evit adenvel ur strollad, pe kit war ho pajenn Darempredoù ha diuzit ar strollad a-zere. Klikit neuze an arlun embann e-kichen anv ar strollad e penn ar bajenn, kemmit an anv ha pouezit war "Hizivaat".

Ur wech bet embannet un dra bennak, tu 'zo din kemmañ ar strolladoù gouest da sellet ar post ?

N'eus ket tu, met tu zo deoc'h sevel ur post nevez gant an hevelep endalc'had hag embann anezhañ d'ur strollad disheñvel.

Ha tu a zo din embann traoù da meur a strollad war an taol ?

Ya. Pa vez savet ur post ganeoc'h, implijit an afell diuzañ evit diuzañ pe diziuzañ strolladoù. "An holl strolladoù" a zo an arventenn dre ziouer. Gallout a ra bezañ gwelet ho post gant an holl strolladoù diuzet. Gallout a rit ivez diuzañ ar strolladoù adalek ar varenn-gostez. Pa vez embannet ganeoc'h, ar strollad(où) bet diuzet er roll kleiz e vo diuzet ent emgefreek en diuzer strolladoù pa vo kroget da skrivañ ur post ganeoc'h.

Gallout a ran ouzhpennañ un den e meur a strollad ?

Ya. Kit war ho pajenn darempredoù ha klikit war "Ma darempredoù". Evit pep darempred e c'hallit implij ar roll war an tu dehou evit ouzhpennan anezho (pe tennañ anezho) d'ur strollad. Gallout a rit ivez ouzhpennañ (pe tennañ) anezho d'ur strollad gant an diuzer strolladoù war o bajenn aelad. Pe en ur fiñval al logodenn betek o anv lec'h ma vo un "dreistgartenn" o tiskouez. Gallout a rit kemmañ ar strolladoù adalek al lec'h-mañ.