Diaspora/Diaspora

Non, pero sempre pode facer unha nova publicación co mesmo contido e publicala para un aspecto diferente.

Podo publicar para varios aspectos ao mesmo tempo?

Si. Cando compoña unha publicación, utilice o botón selector de aspectos para marcar ou desmarcar os que queira. "Todos os aspectos" é o valor por omisión. O artigo será visible para todos os aspectos que escolla. Pode tamén escoller os aspectos para os que queira publicar na barra lateral. Cando publique, o(s) aspecto(s) que teña escollido na lista da esquerda serán automáticamente seleccionados no selector de aspectos cando comece a escribir a nova publicación.

Podo engadir unha persoa a múltiples aspectos?

Si. Vaite a páxina de contactos e preme en "Os meus contactos". Para cada contacto podes utilizar o menú da dereita e engadilo (ou sacalo) aos aspectos que desexes. Tamén podes engadilo a un novo aspecto (ou sacalo dun aspecto) premendo no botón selector de aspectos na súa páxina de perfil. Ou simplemente podes mover o punteiro sobre o nome en calquera lugar na cronoloxía e aparecerá un cadro. Podes cambiar alí os aspectos.

Como elimino un aspecto?

Preme en "Os meus aspectos" na barra lateral na cronoloxía e preme na icona do lapis do aspecto que queres eliminar, ou vaite a páxina de Contactos e escolle o aspecto relevante. Preme na icona do caldeiro do lixo arriba a dereita na páxina.

Mencións

Qué é unha "mención"?

Unha mención é unha ligazón a páxina de perfil de unha persoa que aparece nunha publicación. Cando alguén é mencionada recibe unha notificación que atrae a súa atención sobre a publicación.

Como menciono alguén ao facer unha publicación?

Escribe o signo "@" e comeza a escribir o seu nome. Un menú despregable aparecerá para permitirche escollelo facilmente. Aviso: só podes mencionar a xente que engadiches nalgún aspecto.

Podo mencionar a alguén nun comentario?

Si!, desde a versión 0.7.0.0 pode mencionar a alguén nun comentario do mesmo xeito que faría nunha publicación, escribindo "@" e comezando a escribir o seu nome. Cando comenta nunha publicación que non é pública, só pode mencionar usuarias que xa interactuaron coa publicación.

Hai xeito de saber en qué publicacións fun mencionada?

Si, pulse en "@Mencións" na columna esquerda da páxina de inicio.

Pods

Qué é un pod?

Un pod é un servidor executando o software diaspora* e conectado a rede diaspora*. "Pod" é unha metáfora ("vaina") que fai referencia as vainas de plantas que conteñen sementes, de algún xeito servidores que conteñen contas de usuarias. Hai moitos tipos de pods. Pode engadir amigas de outros pods (instancias) e comunicar con elas. Non é preciso abir conta en diferentes pods! Un é suficiente – así, pode pensar nun pod de diaspora* dun xeito similar ao provedor de correo-e. Hai pods públicos, pods privados, e con un pequeno esforzo vostede pode instalar o seu propio pod.

Xa me unín a un pod, cómo podo atopar xente coa que compartir?