Diaspora/Diaspora
-
Nëse bëni një postim të kufizuar, do të jetë i dukshëm vetëm për persona që keni vendosur në atë aspekt (ose aspekte, nëse është bërë në disa aspekte) përpara dërgimit të postimit. Kontaktet që nuk janë pjesë e aspektit, nuk kanë asnjë mundësi ta shohin postimin. Postimet e kufizuara nuk do të jenë kurrë të dukshme për cilindo që s’e keni vendosur në aspektin përkatës.
-
A mund t’i kufizoj postimet në rrjedhën time për vetëm disa, ato nga disa aspekte?
-
Po. Klikoni “Aspektet e mia” te anështylla dhe mandej klikoni te lista aspekte individuale që t’i përzgjidhni ose shpërzgjidhni. Në rrjedhën tuaj do të shfaqen vetëm postime nga persona prej aspekteve të përzgjedhura.
-
A e dinë kontaktet e mia se në cilat aspekte i kam vendosur?
-
Jo. Nuk munden të shohin emrin e aspektit me asnjë mënyrë.
-
Nëse heq dikë nga një aspekt, ose nga krejt aspektet e mia, a njoftohen rreth kësaj?
-
Jo. Dhe as njoftohen kur i shtoni në më tepër aspekte, nëse ndani tashmë gjëra me ta.
-
Si ta riemërtoj një aspekt?
-
Klikoni “Aspektet e mia” te anështylla, që prej skenës së rrjedhës, dhe klikoni ikonën laps në krah të aspektit që doni të riemërtoni, ose shkoni te faqja e Kontakteve tuaj dhe përzgjidhni aspektin që doni. Mandej klikoni ikonën e përpunimit në krah të emrit të aspektit, në krye të kësaj faqeje, ndryshoni emrin dhe shtypni “Përditësoje”.
-
Pasi të kem postuar diçka, a mund të ndryshoj aspektin(et) që të mund ta shohin?
-
Jo, por mundeni gjithmonë të krijoni një postim të ri me të njëjtën lëndë dhe ta postoni në një aspekt tjetër.
-
A mund të postoj lëndë në disa aspekte njëherësh?
-
Po. Kur krijoni një postim, përdorni butonin e përzgjedhësit të aspekteve që të përzgjidhni ose shpërzgjidhni aspekte. Rregullimi parazgjedhje është “Krejt aspektet”. Postimi juaj do të jetë i dukshëm në krejt aspektet që përzgjidhni. Aspektet në të cilët doni ta postoni, mund t’i përzgjidhni edhe te anështylla. Kur postoni, aspekti(et) që keni përzgjedhur te lista majtas, do të përzgjidhen vetvetiu te përzgjedhësi i aspekteve, kur filloni të krijoni një postim të ri.
-
A mund ta shtoj një person në disa aspekte?
-
Po. Shkoni te faqja e kontakteve tuaj dhe klikoni mbi “Kontaktet e mia”. Për secilin kontakt mund të përdorni menunë djathtas për t’i shtuar te (ose për t’i hequr nga) sa aspekte të doni. Ose mund t’i shtoni te një aspekt i ri (ose t’i hiqni prej një aspekti) duke klikuar butonin e përzgjedhësit të aspekteve në faqen e tyre të profilit. Ose mund të kaloni kursorin sipër emrit të njërit, kur e shihni në rrjedhë, dhe do të shfaqet një dritare e vockël. Mund t’i ndryshoni aspektet e secilit drejt e aty.
-
Si ta fshij një aspekt?
-
Klikoni “Aspektet e mia” te anështylla, që prej skenës së rrjedhës, dhe klikoni ikonën laps në krah të aspektit që doni të fshini, ose shkoni te faqja e Kontakteve tuaj dhe përzgjidhni aspektin që doni. Mandej klikoni ikonën e hedhurinave në cepin e sipërm djathtas të faqes.
-
Përmendje
-
Ç’është një “përmendje”?
-
Një përmendje është një lidhje për te faqja e profilit të një personi që shfaqet në një postim. Kur dikush përmendet, ai merr një njoftim që u tërheq vëmendjen te postimi.
No more segments to load.
Loading more segments…
© 2009-2024 WebTranslateIt Software S.L. All rights reserved.
Terms of Service
·
Privacy Policy
·
Security Policy