Diaspora/Diaspora

A mund ta përshtat madhësinë e figurave në postime apo komente?

Jo. Figurat ripërmasohen vetvetiu që t’i nxërë rrjedha pse pamja njëpostimëshe. Markdown s’ka kod për përcaktim të madhësisë së një figure.

Si të trupëzoj video, audio, ose tjetër lëndë multimedia në një postim?

Zakonisht, thjesht mund të hidhni URL-në (p.sh. http://www.youtube.com/watch?v=nnnnnnnnnnn ) te postimi juaj dhe videoja apo audioja do të trupëzohet vetvetiu. Në sajtet e mbuluar përfshihen: YouTube, Vimeo, SoundCloud, Flickr dhe ndoca të tjerë. Për këtë veçori, diaspora* përdor oEmbed. Dora-dora mbulojmë gjithnjë e më shumë burime media. Mbani mend të postoni përherë lidhje të thjeshta, të plota – jo lidhje të shkurtuara; pa operatorë pas URL-së bazë – dhe lërini pakëz kohë përpara se të rifreskoni faqen pas postimit, për të parë si duket.

Sa është kufiri për shenjat në një postim?

65535 shenja. Që do të thotë 65395 më shumë se sa ju jepen në Twitter! ;)

Po kur ndaj postim me një shërbim të lidhur te diaspora*, i cili ka kufi më të ulët për shenjat?

Në këtë rast do të duhej ta kufizonit postimin tuaj aq sa është kufiri më i ulët (140 në rastin e Twitter-it; 1000 në rastin e Tumblr-it), dhe numri i shenjave të mbetura për përdorim ju shfaqet në ikonën e shërbimit, kur kjo është e theksuar. Mund të postoni prapëseprapë në këto shërbime, edhe kur postimi juaj është më i gjatë se sa kufijtë e tyre, por teksti në këto shërbime do të shfaqet i cunguar dhe me një lidhje për te postimi në diaspora*.

Pse është rrjedha ime plot me postime prej personash që s’i njoh dhe me të cilët nuk ndaj gjëra?

Rrjedha juaj popullohet me tre lloje postimesh:

Postime nga persona me të cilët ndani gjëra, që janë dy llojesh: postime publike dhe postime të kufizuara të ndara me ju në një aspekt pjesë e të cilit jeni. Që t’i hiqni këto postime prej rrjedhës suaj, thjesht reshtni së ndari gjëra me atë person.

Postime publike që përmbajnë një prej etiketave që ndiqni. Që të hiqni këto, reshtni së ndjekuri atë etiketë.

Postime publike nga persona pjesë e projektorit të bashkësisë. Këto mund të hiqen duke i hequr shenjën mundësisë “Të shfaqet në rrjedhë projektori i bashkësisë?”, te skeda Llogari, te Rregullimet tuaja.

Postime private

Kur postoj një mesazh në një aspekt (pra, një postim privat), kush e sheh?

Një postim privat mund ta shohin vetëm përdorues të diaspora*-s që kanë bërë hyrjen në llogarinë e tyre dhe të cilët i keni vendosur në atë aspekt para bërjes së postimit.

Kush mund të komentojë dhe të pëlqejë postimin tim privat?

Mund të komentojnë ose ta pëlqejnë vetëm përdorues të diaspora*-s që i keni vendosur në atë aspekt përpara se të bënit postimin privat.

Kush mund ta rindajë me të tjerët postimin tim privat?

Askush. Postimet private nuk mund të rindahen. Megjithatë, përdorues diaspora* që kanë bërë hyrjen, mund ta kopjojnë dhe hedhin gjetiu. U besoni apo jo këtyre personave… atë e dini ju!