Diaspora/Diaspora

Çfarë ndodh kur shpërzgjedh një ose më tepër aspekte, teksa bëj një postim publik?

Shpërzgjedhja e aspekteve nuk e prek një postim publik. Do të jetë sërish publik dhe do të shfaqet në rrjedhën e krejt kontakteve tuaja. Për ta bërë një postim të dukshëm vetëm për aspekte të caktuara, lypset që këto aspekte t’i përzgjidhni që prej përzgjedhësit të aspekteve, nën botuesin.

Rindarje postimesh

A mund ta rindaj me të tjerët një postim publik në aspekte që përzgjedh

Jo, kur rindani një postim publik, bëhet vetvetiu një nga postimet tuaja publike. Që ta ndani në disa prej aspekteve, kopjoni dhe ngjiteni lëndën e postimit në një postim të ri, të kufizuar për aspektet që doni.

A mund ta rindaj me të tjerët një postim privat në aspekte që përzgjedh?

Jo, s’është e mundur të rindahen postimet private. Kjo bëhet për të respektuar dëshirën e postuesit origjinal, që e ndau atë vetëm me një grup të veçantë personash.

Ndarje me të tjerët

Ç’ndodh kur shtoj dikë në një nga aspektet e mia, ose kur dikush më shton në një nga aspektet e veta?

Le të themi se Mira e shton Benin në një aspekt, por Beni nuk e ka shtuar (ende) Mirën në një aspekt:

Beni do të marrë një njoftim se Mira ka “filluar të ndajë gjëra” me Benin.

Mira do të fillojë të shohë në rrjedhën e saj postimet publike të Benit.

Mira s’do të shohë ndonjë prej postimeve private të Benit.

Beni s’do të shohë në rrjedhën e tij ndonjë postim publik apo privat të Mirës.

Por nëse Beni shkon te faqja e profilit të Mirës, do të jetë në gjendje të shohë postimet private që bën Mira te aspekti në të cilin ka vendosur Benin (si edhe postimet publike të saj, të cilat atje mund t’i shohë kushdo).

Beni do të jetë në gjendje të shoh profilin privat të Mirës (jetëshkrimin, vendin, gjininë, datëlindjen).

Te faqja e kontakteve të Benit, Mira do të shfaqet nën “Vetëm ndajnë me mua”.

Ky proces njihet si ndarje asimetrike. Vetëm nëse edhe Beni e shton Mirën në ndonjë aspekt, atëherë do të shndërrohet në ndarje të dyanshme, me shfaqjen në rrjedhat e secilit të postimeve publike të Mirës dhe të Benit, si dhe të postimeve private me rëndësi, dhe Mira do të jetë në gjendje të shohë profilin privat të Benit. Pas kësaj ata do të jenë në gjendje t’i dërgojnë njëri-tjetrit mesazhe private.

Cilët janë personat te pjesa “Që vetëm ndajnë me mua” e faqes sime të kontakteve?

Këta janë persona që ju kanë shtuar në një prej aspekteve të tyre, por që (ende) s’gjenden në ndonjë nga aspektet tuaj. Me fjalë të tjera, ata ndajnë gjëra me ju, por ju nuk ndani gjë me ta: mund t’i mendoni si persona që ju “ndjekin”. Nëse i shtoni në një aspekt, ata do të shfaqen në atë aspekt dhe jo më nën “Që ndajnë vetëm me mua”. Shihni më sipër.