Diaspora/Diaspora

Beni do të marrë një njoftim se Mira ka “filluar të ndajë gjëra” me Benin.

Mira do të fillojë të shohë në rrjedhën e saj postimet publike të Benit.

Mira s’do të shohë ndonjë prej postimeve private të Benit.

Beni s’do të shohë në rrjedhën e tij ndonjë postim publik apo privat të Mirës.

Por nëse Beni shkon te faqja e profilit të Mirës, do të jetë në gjendje të shohë postimet private që bën Mira te aspekti në të cilin ka vendosur Benin (si edhe postimet publike të saj, të cilat atje mund t’i shohë kushdo).

Beni do të jetë në gjendje të shoh profilin privat të Mirës (jetëshkrimin, vendin, gjininë, datëlindjen).

Te faqja e kontakteve të Benit, Mira do të shfaqet nën “Vetëm ndajnë me mua”.

Ky proces njihet si ndarje asimetrike. Vetëm nëse edhe Beni e shton Mirën në ndonjë aspekt, atëherë do të shndërrohet në ndarje të dyanshme, me shfaqjen në rrjedhat e secilit të postimeve publike të Mirës dhe të Benit, si dhe të postimeve private me rëndësi, dhe Mira do të jetë në gjendje të shohë profilin privat të Benit. Pas kësaj ata do të jenë në gjendje t’i dërgojnë njëri-tjetrit mesazhe private.

Cilët janë personat te pjesa “Që vetëm ndajnë me mua” e faqes sime të kontakteve?

Këta janë persona që ju kanë shtuar në një prej aspekteve të tyre, por që (ende) s’gjenden në ndonjë nga aspektet tuaj. Me fjalë të tjera, ata ndajnë gjëra me ju, por ju nuk ndani gjë me ta: mund t’i mendoni si persona që ju “ndjekin”. Nëse i shtoni në një aspekt, ata do të shfaqen në atë aspekt dhe jo më nën “Që ndajnë vetëm me mua”. Shihni më sipër.

A ka ndonjë listë të personave të cilët i kam shtuar në një nga aspektet e mi, por që s’më kanë shtuar në ndonjë të tyrin?

Jo, por mund të shihni nëse dikush ndan apo jo gjëra me ju, duke vizituar faqen e tyre të profilit. Po qe se ndajnë, do të ketë një shenjë të gjelbër në krah të ID-së së tij diaspora*. Nëse s’ndan, do të jetë një rreth gri.

Kur shtoj dikë te një aspekt, a mund të shohin postime më të vjetra që kam bërë tashmë nën atë aspekt?

Jo. Do të jenë në gjendje të shohin vetëm postime të reja të mëvonshme në atë aspekt. Ata (dhe cilido tjetër) mund të shohin postimet tuaja publike më të vjetra te faqja e profilit tuaj, dhe mund t’i shohin ato edhe te rrjedhat e tyre.

Etiketa

Për çfarë duhen etiketat?

Etiketat janë një rrugë për të kategorizuar një postim, zakonisht sipas temash. Kërkimi për një etiketë përgjigjet me krejt postimet të cilat ju është lejuar t’i shihni, si publiket, ashtu edhe ato private, me atë etiketë. Kjo u lejon personave të interesuar mbi një temë të caktuar të gjejnë postime publike mbi të.

A mund të vendos etiketa në komente, apo vetëm në postime?

Një etiketë e shtuar te një koment, edhe pse do të shfaqet si një lidhje te faqja e etiketës, nuk do ta bëjë atë postim (ose koment) të duket në atë faqe etiketash. Gjëja funksionon vetëm për etiketa në postime.

Ç’janë “Etiketat e #Ndjekura” dhe si ndiqet një etiketë?