Diaspora/Diaspora

Penaos e tiverkan va greunenn (kont) ?

Kit e dibenn pajenn ho arventennoù ha klikit war "Serriñ va gont". Goulennet e vo ganeoc'h enankan ho ker-tremen evit klokaat an hentenn. Dalc'hit soñj, ma serrit ho kont, ne vo <strong>morse</strong> tu deoc'h ad-marilhañ ho anv-implijer war ar pod-mañ.

Pegement eus va titouroù a c'hell merour ar pod gwelout ?

Berr-ha-berr : pep tra. An eskemmoù etre ar podoù a zo enrineget bewech (oc'h implijout SSL hag enrinegañ dezougerezh diaspora*) , met roadennoù ar pod n'eo ket enrineget. M'o deus c'hoant e c'hell merour stlennvon ar pod (alies eo an den o merañ ar pod) haeziñ holl ho roadennoù aelad ha kement tra embannet ganeoc'h (evel ma ra lodenn vrasañ al lec'hiennoù o kadaviñ roadennoù implijerien). Setu perak e vez roet an dibab deoc'h war peseurt pod marilhañ, evit ma vefe tu deoc'h dibab gant peseurt merour e fiziit ho roadennoù. Erounit ho pod deoc'h-c'hwi a ro deoc'h muioc'h ha prevezded dre ma 'z oc'h kiriek eus haeziñ ar stlennvon.

Ha gallout a ra merourien podoù all gwelet ma zitouroù din-me ?

Ur wech m'emaoc'h o rannañ gant unan bennak war ur pod all, kement post rannet ganeoc'h hag un eilenn eus ho aelad a zo kadavet (er c'hrubuilh) war o pod, hag haezadus eo evit merour ar pod. Pa vez dilamet ur post pe roadennoù un aelad eo dilamet eus ho pod hag kaset e vez un azgoulenn dilamadur d'an holl podoù o deus endalc'het anezho. Ho skeudennoù n'int morse kadavet war podoù all; n'eus nemet ereoù davet anezho.

Strolladoù

Petra eo ur strollad ?

Ar strolladoù a zo an doare ma vez strollet ho tarempredoù war diaspora*. Ur strollad a zo unan eus an dremmoù a vez diskouezet ganeoc'h d'ar bed. Gallout a ra bezañ an den oc'h el labour, pe gant ho familh, pe forzh piv vefec'h gant ur strollad mignoned.

Gant piv vez gwelet ar pezh a embannan d'ur strollad ?

Ma vez savet ur post bevennet ganeoc'h, n'hall bezañ gwelet gant an dud bet lakaet er strollad(où) a-raok bezañ bet embannet ar post nemetken. Ho tarempredoù ha n'int ket er strollad na welo ket ar post. Postoù bevennet ne vo morse gwelet gant tud ha n'int ket en ho strolladoù.

Ha tu a zo din bevenniñ ar postoù da strolladoù resis nemetken em gwazh ?

Ya. Klikit war 'Ma strolladoù" er varenn-gostez ha klikit war ur strollad evit diuzañ pe diziuzañ anezhañ. Ne vo gwelet ar post gwant an dud ezel eus ar strollad(où)-mañ nemetken.

Ha gouzout a ra ma darempredoù e peseurt strollad 'm eus lakaet anezho ?

Ne reont ket. N'hallont ket gwelet anv ar strollad lec'h ma 'z int bet lakaet e mod ebet.

Ma vez dilamet unan bennak eus vur strollad, pe holl va strolladoù, kemennet int eus kement-se ?

Ket.

Hag adenvel ur strollad a c'hallan ?

Klikit war "Ma strolladoù" er varenn-gostez adalek ur gwel gwazh ha klikit war arlun ar c'hreion evit adenvel ur strollad, pe kit war ho pajenn Darempredoù ha diuzit ar strollad a-zere. Klikit neuze an arlun embann e-kichen anv ar strollad e penn ar bajenn, kemmit an anv ha pouezit war "Hizivaat".

Ur wech bet embannet un dra bennak, tu 'zo din kemmañ ar strolladoù gouest da sellet ar post ?