Diaspora/Diaspora

Për çfarë duhen etiketat?

Etiketat janë një rrugë për të kategorizuar një postim, zakonisht sipas temash. Kërkimi për një etiketë përgjigjet me krejt postimet të cilat ju është lejuar t’i shihni, si publiket, ashtu edhe ato private, me atë etiketë. Kjo u lejon personave të interesuar mbi një temë të caktuar të gjejnë postime publike mbi të.

A mund të vendos etiketa në komente, apo vetëm në postime?

Një etiketë e shtuar te një koment, edhe pse do të shfaqet si një lidhje te faqja e etiketës, nuk do ta bëjë atë postim (ose koment) të duket në atë faqe etiketash. Gjëja funksionon vetëm për etiketa në postime.

Ç’janë “Etiketat e #Ndjekura” dhe si ndiqet një etiketë?

Pasi kërkoni për një etiketë, mund të klikoni mbi butonin në krye të faqes së etiketës për “ta ndjekur” atë etiketë. Ajo mandej do të shfaqet te lista juaj e etiketave të ndjekura, te menuja majtas. Klikimi mbi një nga etiketat që ndiqni ju shpie te faqja e asaj etikete, dhe mund të shihni kështu postime së fundi që përmbajnë atë etiketë. Klikoni mbi Etiketa të #Ndjekura që të shihni një rrjedhë postimesh që përmbajnë cilëndo nga etiketat që ndiqni. Postimet që përmbajnë atë etiketë do të përfshihen gjithashtu te rrjedha juaj kryesore.

Cilët janë personat e radhitur në anën e majtë të një faqeje etiketash?

Janë persona që e kanë vënë atë etiketë te përshkrimi i vetes në faqet e tyre publike.

Si mund të filtroj/përjashtoj disa etiketa nga rrjedha ime?

Kjo s’është ende e mundur drejtpërsëdrejti përmes diaspora*-s, por janë shkruar disa %{third_party_tools} që mund ta bëjnë këtë.

Të ndryshme

A ka një rrugë të shpejtë për të kaluar në krye të faqes pasi kam rrëshqitur për poshtë?

Po. Pas rrëshqitjes poshtë në një faqe, klikoni mbi shigjetën ngjyrë gri që duket në cepin e poshtëm majtas të dritares së shfletuesit tuaj.

A ka albume fotosh apo videosh?

Jo, hëpërhë jo. Sidoqoftë, mund të shihni fotot e ngarkuara nga një person në skedën Foto të faqes së tyre të profilit.

A mund të pajtohem te postimet publike të dikujt përmes një lexuesi prurjesh?

Po, por kjo është ende një veçori jo shumë e latuar dhe formatimi i përfundime është ende me shumë cepa. Nëse prapë dëshironi ta provoni, shkoni te faqja e profilit të dikujt dhe klikoni butonin e prurjeve te shfletuesi juaj, ose mund të kopjoni URL-në e profilit (p.sh. https://podname.org/people/somenumber) dhe t’ia furnizoni një lexuesi prurjesh. Adresa e prurjes që përftohet duket pak a shumë si kjo: https://podname.org/public/username.atom – diaspora* përdor Atom-in, në vend se RSS-në.

A ka një aplikacion diaspora* për Android ose iOS?

Ka pasur disa aplikacione Android në zhvillim e sipër nga anëtarë të bashkësisë. Disa janë projekte të braktisura prej kohësh, ndaj edhe nuk funksionojnë mirë me versionin e tanishëm të diaspora*. Hëpërhë mos prisni shumë prej këtyre aplikacioneve. Nuk ka aplikacion për iOS hëpërhë. Rruga më e mirë për të përdorur diaspora*-n prej pajisjes suaj celulare është përmes një shfletuesi, ngaqë kemi krijuar një version për celular të sajtit, i cili do të duhej të punonte paq në krejt pajisjet, edhe pse nuk përmban ende gjithë funksionet.

Po parashtrohet…