Diaspora/Diaspora

A mund të postoj lëndë në disa aspekte njëherësh?

Po. Kur krijoni një postim, përdorni butonin e përzgjedhësit të aspekteve që të përzgjidhni ose shpërzgjidhni aspekte. Rregullimi parazgjedhje është “Krejt aspektet”. Postimi juaj do të jetë i dukshëm në krejt aspektet që përzgjidhni. Aspektet në të cilët doni ta postoni, mund t’i përzgjidhni edhe te anështylla. Kur postoni, aspekti(et) që keni përzgjedhur te lista majtas, do të përzgjidhen vetvetiu te përzgjedhësi i aspekteve, kur filloni të krijoni një postim të ri.

A mund ta shtoj një person në disa aspekte?

Po. Shkoni te faqja e kontakteve tuaj dhe klikoni mbi “Kontaktet e mia”. Për secilin kontakt mund të përdorni menunë djathtas për t’i shtuar te (ose për t’i hequr nga) sa aspekte të doni. Ose mund t’i shtoni te një aspekt i ri (ose t’i hiqni prej një aspekti) duke klikuar butonin e përzgjedhësit të aspekteve në faqen e tyre të profilit. Ose mund të kaloni kursorin sipër emrit të njërit, kur e shihni në rrjedhë, dhe do të shfaqet një dritare e vockël. Mund t’i ndryshoni aspektet e secilit drejt e aty.

Si ta fshij një aspekt?

Klikoni “Aspektet e mia” te anështylla, që prej skenës së rrjedhës, dhe klikoni ikonën laps në krah të aspektit që doni të fshini, ose shkoni te faqja e Kontakteve tuaj dhe përzgjidhni aspektin që doni. Mandej klikoni ikonën e hedhurinave në cepin e sipërm djathtas të faqes.

Përmendje

Ç’është një “përmendje”?

Një përmendje është një lidhje për te faqja e profilit të një personi që shfaqet në një postim. Kur dikush përmendet, ai merr një njoftim që u tërheq vëmendjen te postimi.

Si ta përmend dikë teksa krijoj një postim?

Shtypni shenjë “@” dhe filloni të shtypni emrin e tij. Do të hapet një menu hapmbyll që t’ju lejojë ta përzgjidhni më lehtë. Kini parasysh se mundet të përmenden vetëm persona që i keni të shtuar në një aspekt.

A mund ta përmend dikë në një koment?

Që me versionin 0.7.0.0, po! Mund ta përmendni dikë në një koment në të njëjtën mënyrë që do të bënit në një postim, duke shtypur “@” dhe mandej të filloni të shtypni emrin e tij. Ju lutemi, kini parasysh se kur komentoni në një postim që s’është publik, mund të përmendni vetëm përdoruesit që kanë ndërvepruar tashmë me postimin.

A ka ndonjë mënyrë të shoh postime në të cilat jam përmendur?

Po, klikoni “@Përmendje” në shtyllën në të majtë të faqes tuaj hyrëse.

Nyja

Ç’është një nyjë?

Një nyjë është një shërbyes që xhiron software-in diaspora* dhe është i lidhur me rrjetin diaspora*. “Nyjë” është një metaforë që i referohet bishtajës te disa bimë bishtajore, të cilat përmbajnë fara, në atë mënyrë që një shërbyes përmban një numër llogarish përdoruesi. Ka mjaft nyje të ndryshme. Mund të shtoni shokë prej nyjash të tjera dhe të komunikoni me ta. S’ka nevojë të hapni nga një llogari në nyje të ndryshme! Mjafton një – në këtë mënyrë, diaspora*-n mund ta mendoni të ngjashme me një furnizues llogarish email. Ka nyje publike, nyje private, dhe me pak përpjekje mund të xhironi një tuajën.

Sapo u regjistrova në një nyje, si mund të gjej persona me të cilët të ndaj gjëra?

Nëse doni të ftoni miqtë tuaj të përdorin diaspora*-n, përdorni lidhjen e ftesës ose lidhjen për email, te anështylla. Ndiqni #etiketa që të zbuloni persona të tjerë që kanë interesa të përbashkëta me tuajat, dhe shtoni ata që postojnë në një aspekt gjëra që kanë interes për ju. Në një postim publik thërrisni fort se jeni #irikëtu.