Diaspora/Diaspora

Sapo u regjistrova në një nyje, si mund të gjej persona me të cilët të ndaj gjëra?

Nëse doni të ftoni miqtë tuaj të përdorin diaspora*-n, përdorni lidhjen e ftesës ose lidhjen për email, te anështylla. Ndiqni #etiketa që të zbuloni persona të tjerë që kanë interesa të përbashkëta me tuajat, dhe shtoni ata që postojnë në një aspekt gjëra që kanë interes për ju. Në një postim publik thërrisni fort se jeni #irikëtu.

Si ta përdor kutinë e kërkimeve për të gjetur individë të veçantë?

Nëse e dini ID-në e plotë të tyre në diaspora* (p.sh., emërpërdoruesi@emërnyjeje.org), mund t’i gjeni duke kërkuar për ta. Nëse gjendeni në të njëjtën nyje, mund të kërkoni thjesht për emrin e tyre të përdoruesit. Si rrugë tjetër, mund të kërkoni për ta sipas emrash profili (emri që shihni në ekran). Nëse kërkimi s’funksionon herën e parë, provoni sërish.

Postime dhe postim

Si ta fsheh një postim?

Nëse e vendosni kursorin në krye të një postimi, në të djathtë do të shfaqet një X. Klikoni mbi që të fshihet postimi dhe të ndalen njoftimet mbi të. Mund ta shihni prapë postimin, nëse vizitoni faqen e profilit të personit që e postoi.

Si ta formatoj tekstin në postimet e mia (shkronja të trasha, të pjerrëta, etj.)?

diaspora* përdor një sistem të thjeshtëzuar, të quajtur %{markdown}. Botuesi ka butona për ta bërë të lehtë formatin e tekstit tuaj. Nëse doni ta formatoni dorazi postimin tuaj, sintaksën e plotë të Markdown-it mund ta gjeni %{here}. Butoni i paraparjeve do të thotë se mund të shihni si do të duket mesazhi juaj, përpara se ta ndani me të tjerët. Mos harroni se s’mund ta përpunoni më pas postimit, ndaj përdorni paraparjen për t’u siguruar se është si e doni, përpara se të shtypni butonin “Ndaje”!

Si të fus figura në postime?

Nëse doni të përfshini në postimin tuaj një figurë të depozituar në kompjuterin tuaj, klikoni ikonën e vogël kamera në fund të botuesit. Mundeni edhe të tërhiqni dhe lini një ose disa figura, nga kompjuteri juaj në atë ikonë. Nëse doni të futni në postimin tuaj një figurë nga interneti, klikoni butonin e figurave në krye të botuesit, çka do të krijojë për ju kodin Markdown përkatës.

A mund të fus figura në komente?

A mund ta përshtat madhësinë e figurave në postime apo komente?

Jo. Figurat ripërmasohen vetvetiu që t’i nxërë rrjedha pse pamja njëpostimëshe. Markdown s’ka kod për përcaktim të madhësisë së një figure.

Si të trupëzoj video, audio, ose tjetër lëndë multimedia në një postim?

Zakonisht, thjesht mund të hidhni URL-në (p.sh. http://www.youtube.com/watch?v=nnnnnnnnnnn ) te postimi juaj dhe videoja apo audioja do të trupëzohet vetvetiu. Në sajtet e mbuluar përfshihen: YouTube, Vimeo, SoundCloud, Flickr dhe ndoca të tjerë. Për këtë veçori, diaspora* përdor oEmbed. Dora-dora mbulojmë gjithnjë e më shumë burime media. Mbani mend të postoni përherë lidhje të thjeshta, të plota – jo lidhje të shkurtuara; pa operatorë pas URL-së bazë – dhe lërini pakëz kohë përpara se të rifreskoni faqen pas postimit, për të parë si duket.

Sa është kufiri për shenjat në një postim?

65535 shenja. Që do të thotë 65395 më shumë se sa ju jepen në Twitter! ;)

Po kur ndaj postim me një shërbim të lidhur te diaspora*, i cili ka kufi më të ulët për shenjat?

Në këtë rast do të duhej ta kufizonit postimin tuaj aq sa është kufiri më i ulët (140 në rastin e Twitter-it; 1000 në rastin e Tumblr-it), dhe numri i shenjave të mbetura për përdorim ju shfaqet në ikonën e shërbimit, kur kjo është e theksuar. Mund të postoni prapëseprapë në këto shërbime, edhe kur postimi juaj është më i gjatë se sa kufijtë e tyre, por teksti në këto shërbime do të shfaqet i cunguar dhe me një lidhje për te postimi në diaspora*.