Diaspora/Diaspora

Potzo torrare a cumpartzire una publicatzione privada in caras ischertadas?

Nono, no est possìbile a torrare a cumpartzire una publicatzione privada. Custu pro rispetare sas intentziones de su publicadore originale, chi l'at cumpartzida petzi cun unu grupu particulare de persones.

Cumpartzende

Ite acontessit cando annango calicunu a una de sas caras meas, o cando calicunu m'annanghet a una de sas caras suas?

Naramus chi Amy at annantu Ben a una cara, ma Ben no at (galu) annantu Amy a una cara:

Ben at a retzire una notìfica chi l'at a nàrrer chi Amy at "incumintzadu a cumpartzire" cun Ben.

Amy at a incumintzare a bìdere sas publicatziones pùblicas de Ben in su flussu suo.

Amy no at a bìdere nissuna de sas publicatziones privadas de Ben.

Ben no at a bìdere sas publicatziones pùblicas o privadas de Amy in su flussu suo.

Ma si Ben at a andare a sa pàgina de su profilu de Amy, tando at a bìdere sas publicatziones privadas chi Amy faghet in sa cara in ue l'at postu (in paris cun sas publicatziones pùblicas de issa, chi totus podent bìdere in ie).

Ben at a pòdere bìdere su profilu privadu de Amy (biografia, logu, natura, data de nàschida).

Amy at a aparire in suta de "Petzi cumpartzinde cun mie" in sa pàgina de sos cuntatos de Ben.

Custa est connota comente "cumpartzidura assimmètrica". Si e cando Ben at a annànghere Amy a una cara at a divènnere una cumpartzidura simmètrica, cun ambas sas publicatziones pùblicas e sas privadas chi lis pertochent de ambos Amy e Ben chi lis ant a aparire in sos flussos issoro, e Amy at a pòdere bìdere su profilu privadu de Ben. Tando s'ant fintzas a pòdere imbiare messàgios privados unu cun s'àtera.

Chie sunt sas persones in sa lista in suta de "Petzi cumpartzinde cun mie" in sa pàgina mea de sos cuntatos?